குடும்பனின் பார்வையில்

தம்பி தீபக் பாண்டியன் குறித்த தகவல்களை திரு. சவுக்கு சங்கரின் காணொளி மூலம் அறிந்தேன். போராளிகள் மரணத்திற்கு அஞ்சுவதில்லை. ஆனாலும் மனசு வலிக்கிறது. முத்து மனோவின் நண்பன்.. பசுபதியாரின் ஆதரவாளர்.. வேறென்ன வேண்டும் கொல்லப்படுவதற்கு. சாதிய வன்மம் தமிழ்ச் சமூகத்தில் தொடர்வது நல்லதல்ல.. வளைந்து கொடுக்காதவர்கள் முறிந்து போகிறார்கள்.. இனி காலம் தான் தீர்மானிக்க வேண்டும்.. பயமுறுத்தல்களாலும் படுகொலைகளாலும் நல்ல தீர்வுகளை எட்ட முடியாது. கனத்த இதயத்துடன். ©️✒️மடைக் குடும்பர் 20.05.2024.

 ✒️ "அறம் செய விரும்பு.." திருச்செந்தூர் வைகாசி விசாக திருவிழாவில் தேவேந்திர குல வேளாளர் அற மடங்கள் இணைந்து பொது அன்னதானம் நடத்துகிறது. தேவேந்திர குல வேளாளர்  வீர வள நாட்டார் அறமடம்.. சீவந்திய வளநாட்டார் அறமடம்.. பருத்திக்கோட்டை நாட்டார் அறமடம்... தூத்துக்குடி உறவு முறை நாட்டார் அறமடம்... பட்டணக்கரையார் சிக்க வளநாட்டார் அறமடம்... செழுகை நாட்டார் அறமடம்... கொற்கை குடவள நாட்டார் அறமடம்  ஆகிய ஏழு மடங்கள் ஒன்றிணைந்து வைகாசி விசாகப் பெருவிழாவன்று (22.05.2024) பொது அன்னதானத்திற்கு ஏற்பாடு செய்துள்ள செய்தி மகிழ்ச்சிக்குரியதாகும். கடந்த ஐந்து ஆண்டுகளாக இவ்வரிய அன்னதான நிகழ்வுகள் தொடர்கின்றன. தேவேந்திர குல வேளாளர் சமூகம் பயிர்த்தொழிலை மட்டுமே செய்கிற சமூகம் மட்டுமல்ல சமயப் பணிகளையும் அதனோடு கூட நீர்மோர் தர்மங்கள், அன்னதானங்களையும் தொடர்ந்து மரபுவழியாய் நடத்துகிறது.. நாம் ஓர் உயரிய தமிழ்ப் பண்பாட்டுச் சமூகம் என்பதற்கு இது மாதிரியான நிகழ்வுகள் சாட்சி பகர்கின்றன. பல கிராமங்களில் ஒற்றுமையில்லாமல் இருந்தாலும் இது மாதிரியான அறமடங்கள் இயங்குவதைப் பார்த்ததும் நாமும் ஒன்றுபட்டு இயங்கத் தூண...

 பழந்தமிழர்_அளவைகளில் சில..!! ◆ முகத்தல் அளவைகள் : ஒரு ஆழாக்கு = நூற்றி அறுபத்தியெட்டு மில்லி லிட்டர். ஒரு உழக்கு = முன்னூற்று முப்பத்தி ஆறு மில்லி லிட்டர். ஒரு கலம் = அறுபத்து நாலரை லிட்டர். ஒரு தூணி = இருபத்தி ஒன்றரை லிட்டர். ஒரு நெய்க் கரண்டி = தேக்கரண்டி அளவு. ஒரு எண்ணெய்க் கரண்டி = இரு நூற்றி நாற்பது மில்லி லிட்டர். ஒரு பாலாடை = முப்பது மில்லி லிட்டர். ஒரு குப்பி = எழுநூற்றுமில்லி லிட்டர். ஒரு அவுன்ஸ் = முப்பத்தியொரு கிராம். முன்னூற்று அறுபது நெல் = ஒரு சோடு. ஐந்து சோடு = ஒரு ஆழாக்கு. இரண்டு ஆழாக்கு = ஒரு உழக்கு. இரண்டு உழக்கு = ஒரு உரி. இரண்டு உரி = ஒரு நாழி. எட்டு நாழி = ஒரு குறுணி. இரண்டு குறுணி = ஒரு பதக்கு. இரண்டு பதக்கு = ஒரு தூணி. மூன்று தூணி = ஒரு கலம். ◆ நிறுத்தல் அளவைகள் மூன்றே முக்கால் குன்றி மணி எடை = ஒரு பனவெடை. முப்பத்தி ரெண்டு குன்றி மணி எடை = ஒரு விராகன் எடை. பத்து விராகன் எடை = ஒரு பலம். இரண்டு குன்றி மணி எடை = ஒரு உளுந்து எடை. ஒரு ரூபாய் எடை = ஒரு தோலா. மூன்று தோலா = ஒரு பலம். எட்டு பலம் = ஒரு சேர். நாற்பது பலம் = ஒரு வீசை. ஐம்பது பலம் = ஒரு தூக்கு. இரண்டு தூ...

 "இராஜேந்திர சோழனின் கனவை நனவாக்கும் தாய்லாந்து" "இராஜேந்திர சோழன் இட்ட விதை" இராஜேந்திர சோழனின் கடாரப்போருக்கு ஒரு காரணம் சீனாவுடன் வணிகம் செய்த தமிழக கப்பல்கள் மலாக்கா ஜலசந்தியில் சந்தித்த கடற்கொள்ளையர் பிரச்சனை.  ஆயிரம் ஆண்டுகள் கழித்தும் இன்னும் அது தீராத பிரச்சனையாக உள்ளது.  கடாரத்தை பிடித்தபின்னரும், இது நீன்டகால தீர்வு அல்ல என்பதை உணர்ந்தார் ராஜேந்திரன். சோழர் படைகள் அகன்றபின்னர் மீண்டும் கடற்கொள்ளையர் அட்டகாசம் துவங்கும். சோழர் படைகள் அதனால் அந்த பகுதியில் அந்தமானையும் பிடித்தன. அந்தமானுக்கும் இந்தோனேசியாவுக்கும் இடையே 100 கிமி தொலைவுதான் அந்தமான் சோழரால் மாநக்கவரம் என அழைக்கப்பட்டது. மலாக்கா ஜலசந்தியின் அனைத்து துறைமுகங்களையும் கைப்பற்றியபின் ராஜேந்திரசோழனின் பார்வை தாய்லாந்தின் மேல் திரும்பியது இஸ்துமஸ் (Isthumus) என்றால் இரு கடல்களை பிரிக்கும் சிறிய நிலப்பரப்பு என பெயர். தாய்லாந்தின் தென்பகுதியையும், வடபகுதியையும் இணைக்கும் இப்படி ஒரு சிறிய நிலபரப்பு உள்ளது. இதன் பெயர் கரா இஸ்துமஸ் (Kra Isthumus) . சுமார் 90 கிமி நீளமுள்ள இந்த பகுதிதான் வங்காள விரிகுடாவைய...

 எங்கள் மூத்த எழுத்துக்காரன் சாகித்ய அகாடமி எழுத்தாளர்  சோ.தருமன்.... அக்னி நட்சத்திரம் என்கிற கத்திரி வெயில் நாளை தொடங்குகிறது. நாளை முதல் இருபத்தி எட்டாம் தேதி வரை இருக்கும் என்று வானிலை ஆய்வு மையம் தெரிவித்துள்ளது. இப்போதே வெயிலை தாங்க முடியவில்லை. தீயின் அருகில் இருப்பது போல் காந்தல் எடுக்கிறது. வெயிலில் இருந்து பாதுகாத்துக் கொள்ள மருத்துவர்கள் பல வழிமுறைகளை முன் வைக்கிறார்கள். என்ன வகையான உணவுகளை தவிர்க்க வேண்டும்? எவற்றை உண்ண வேண்டும்? என்ற வழிகாட்டல்கள் சொல்லப்படுகிறது.      இவை போக இயற்கை ஆர்வலர்கள் மரங்கள் நடுவதின் அவசியத்தை வலியுறுத்தி வருகின்றனர். ஆனால் அனைவருமே குறிப்பிடத் தவறுகிற அல்லது மறைக்கிற ஒரு முக்கியமான விஷயம் நிலத்தடி நீர்.     முப்பது அடி ஆழத்தில் கிடைத்த நிலத்தடி நீர் இன்று முன்னூறு அடி ஆழத்திற்கு அதல பாதாளத்திற்கு சென்று விட்டது. நிலத்தடி நீரை பழையபடி முப்பதடிக்கு கொண்டு வருவது எப்படி? என்பதைப் பற்றி யாருமே வாய் திறக்க மறுக்கிறார்கள்.     இந்தாண்டு மழை போதுமான அளவுக்கு பெய்து பெருவெள்ளம் ஏற்பட்டதுடன் எல்லா குளம், கண்ம...